Азия кубогу: БАЭ Кыргызстанды 3:2 эсеби менен утту
Кыргызстан менен БАЭ оюнунун кошумча таймынын 103 – мүнөтүндө талаанын кожоюндары “ак шумкарларга” пенальтиде гол киргизди. Ошентип, 3:2 эсебинде Бириккен Араб Эмиратынын командасы утту.
Калыс кыргыз командасынын оюнчусу каршылашын атайын жөөлөп кулатты деген жүйө менен пенальти тебүүнү дайындаган.
Азия кубогу: Кыргызстан 91-мүнөттө эсепти теңеди
Кыргызстан менен БАЭ оюнунун экинчи таймынын 91 – мүнөтүндө талаанын кожоюндарына “ак шумкарлар” дагы бир гол киргизди. Ошентип, 2:2 эсебинде командалар тең келе жатышат.
Командаларга учурда кошумча убакыт берилди.
1/8 финалдык оюндар 20-январда башталган. Андан утуп чыккандар чейрек финалда ойношот. 5-январда башталган Азия кубогу 1-февралда жыйынтыкталат.
Азия кубогу: Бириккен Араб Эмираты Кыргызстанга дагы бир гол киргизди
Кыргызстан менен БАЭ оюнунун экинчи таймынын 85 – мүнөттөрүндө талаанын кожоюндары “ак шумкарларга” дагы бир гол киргизди. Ошентип, 1:2 эсебинде Бириккен Араб Эмираттарынын командасы утуп жатат.
Учурда беттешүү курч мүнөздө жүрүүдө. Кыргызстан командасы бир нече чабуул жасап, бирок алар ийгиликсиз болууда.