Салтанат Аширова, ырчы: Биз зомбулукка каршыбыз. Зомбулук дал ошол 8-март күнү болду. Бул өтө өкүнүчтүү. Жаштар өзүн сарсанаа кылган маселени митингге чыгып айтканды билиши керек. Аң-сезимдүү жаштар болбосо келечек туңгуюк. Келечек жаштардын колунда эмеспи.
Өндүрүш Токтонасыров: Милиция элге каршы чыкпашы керек. Бүгүнкүдөй коопсуздукту сактап бериши керек.
Атыр Абдрахматова: Милиция кызматкерлери коркунучтун булагы болуп калды. Кыргыз коомунда кыз-келиндерге мамиле кандай экенин милиция кызматкерлери көрсөтүп койду. Булар атайын уюштурулган. Митингге антимитинг уюштуруп келген. Бирок кыз-келиндердин маршын эмнеге саясатка айландырышканын мен түшүнбөй турам.